Azərbaycan, Bakı, 21 avqust /Trend, müxbir Hüseyn Vəliyev/
"Bakcell" MMC mobil telefon vasitəsilə ictimai nəqliyyatda gediş haqqı xidmətini işə salmağa hazırlaşır. Bunu cümə axşamı Trend-ə şirkətin baş icraçı direktoru Riçard Şirer deyib.
Onun sözlərinə görə, ictimai nəqliyyatda mobil telefonla gediş haqqının ödənilməsinin təşkili şirkətin prioritet istiqamətlərindən biridir.
R.Şirer qeyd edib: "Biz gediş haqqının abonentin mobil balansından çıxılmasında maraqlıyıq. Biz əlavə hesabın yaradılması barədə düşünürük. Həmin hesabdan ödənişi həyata keçirmək mümkün ola bilər".
