Azərbaycan, Bakı, 19 sentyabr /Trend, müxbir Hüseyn Vəliyev/
Dünyanın ən iri magistral provayderlərindən biri olan İsveçin "Telia International Carrier" şirkəti Trans Avrasiya superinformasiya magistralı (TASIM) layihəsində iştiraka hazır olduğunu bildirib. Bu barədə cümə günü Trend-ə Azercell şirkətinin prezienti Kirill Qaburiç deyib.
Ənənəvi və mobil rabitə xidmətləri, servis provayderlər və sistem inteqratorları üçün şəbəkə xidmətlərinin iri provayderi olan "TeliaSonera International Carrier" "Telia Sonera" şirkətinin bölmələrindən biridir. Şirkət IP-trafik və səs ötürülməsi, Avropaya və Amerikaya yüksək sürətli kanalların icarə xidmətlərini göstərir. Xidmətlər şəxsi magistral lif şəbəkəsi və Viking Networks IP şəbəkəsi bazasında göstərilir.
Qaburiçin sözlərinə görə, "Telia International Carrier" ən şaxələndirilmiş optik-lif şəbəkəyə malikdir.
Şirkətin rəhbəri deyib: "Şirkət TASIM layihəsində iştirakda maraqlıdır, lakin Azərbaycan tərəfi hələ bu sorğu ilə bağlı öz təklifini təqdim etməyib".
Bir müddət əvvəl Skandinaviya operatorunun layihəyə qoşulması ilə bağlı yüksək səviyyədə danışıqlar aparılıb. Həmin danışıqlarda "TeliaSonera" rəhbərliyi layihədə iştiraka hazır olduğunu ifadə edib.
