...

TASIM layihəsinin perspektivləri (ÖZƏL) (FOTO)

Telekommunikasiya Materials 29 Noyabr 2016 21:55 (UTC +04:00)
Trans-Avrasiya Super İnformasiya Magistralının (TASIM) istismara verilməsi iştirakçı ölkələrdə ictimai rifahın artırılmasına səbəb olacaq.
TASIM layihəsinin perspektivləri (ÖZƏL) (FOTO)

Bakı. Orxan Quluzadə - Trend:

Trans-Avrasiya Super İnformasiya Magistralının (TASIM) istismara verilməsi iştirakçı ölkələrdə ictimai rifahın artırılmasına səbəb olacaq.

Bu barədə Türkiyənin Nəqliyyat, dənizçilik və kommunikasiya naziri Əhməd Arslan Trend-ə müsahibəsində deyib.

Onun sözlərinə görə, fiber-optik infrastruktur ölkələri informasiya magistralı ilə birləşdirir: "Türkiyə Azərbaycan, Çin, Rusiya, Qazaxıstan, Gürcüstan və digər ölkələrlə bu sahədə əməkdaşlıq edir və Çindən Avropaya qədər 15 min kilometr məsafədə davamlı fiber-optik xətt yaratmaq üçün TASIM konsorsiumu təşkil edilib".

Ə.Arslan qeyd edib ki, Türkiyənin bu səhədə kifayət qədər təcrübəsi var: "Super İnformasiya Magistralının inşası iştirakçı ölkələrin iqtisadiyyat və ticarətinin inkişafını sürətləndirəcək".

Qeyd edək ki, TASİM layihəsinin məqsədi əsasən Qərbi Avropadan Şərqi Asiyaya qədər Avrasiya ölkələrini əhatə edən transmilli fiber-optik xəttin çəkilməsidir. Bu təşəbbüs 2008-ci ildə “Bakutel” sərgi və konfransı çərçivəsində Bakıda keçirilmiş nazirlər görüşü zamanı Azərbaycan Rabitə və İnformasiya Texnologiyaları Nazirliyi tərəfindən irəli sürülüb. Həmin il Bakıda “Trans-Avrasiya Super İnformasiya Magistralı” layihəsinin yaradılmasına dair xüsusi Bakı bəyannaməsi qəbul edilib. 2009-cu ilin 21 dekabr tarixində isə BMT Baş Assambleyasının 64-cü sessiyasında Avrasiya Super İnformasiya Magistralı layihəsinə dair qətnamə qəbul olunub. 30 ölkə tərəfindən həm-müəllif qismində dəstəklənən və konsensusla qəbul edilən qətnamədə “TASİM”in əlaqələndirilməsində Azərbaycanın xüsusi rolu qeyd olunub. 2010-cu ilin aprel ayından etibarən Azərbaycan Rabitə və İnformasiya Texnologiyaları Nazirliyi “TASİM” layihəsinin İdarəetmə Qrupunu yaradıb və maliyyələşdirməkdədir.

2012-ci ildə BMT-nin Baş Assambleyasında “TASİM” layihəsi üzrə növbəti qətnamə yekdilliklə qəbul edilib. 2013-ci ildə isə BMT Baş Assambleyasının 67-ci sessiyasının 98-ci plenar iclasında Azərbaycanın təşəbbüsü ilə “Avrasiya Rabitə Alyansı”-nın (Eurasian Connectivity Alliance - EuraCA) yaradılmasına dair müzakirələrin başlanılmasına dair qətnamə yekdilliklə qəbul olunub. Bu qətnamə “TASİM”-in yaradılmasının dəstəklənməsini nəzərdə tutur. Alyansın əsas məqsədi “TASİM” layihəsinin həyata keçirilməsi prosesini sürətləndirməkdir.

Məqalədə:
Xəbər lenti

Xəbər lenti