Bakı. Trend:
Azərbaycanda 1 milyondan çox, yaxud 39 faiz ev təsərrüfatı genişzolaqlı internetlə təmin olunub.
Trend çərşənbə axşamı xəbər verir ki, bunu "Aztelekom" MMC-nin baş direktoru Elçin Niyazov "GSMA Mobile 360 Eurasia 2023" mövzusunda tədbirdə deyib.
"Onlayn Azərbaycan” layihəsinin məqsədi 2024-cü ilin sonuna qədər minimum 25 mbit/s sürətində olan genişzolaqlı interneti hər kəs üçün əlçatan etməkdir. Layihə başlayana qədər genişzolaqlı internetlə əhatə olunma göstəricisi 10 faizdən az idi", - o deyib.
E.Niyazov internetlə əhatə olunan ev təsərrüfatlarının sayının hər ay artdığını bildirib.
(Tərcümə: Rəna Əbdürəhmanova)