Azərbaycanda texnoparkların yaradılması qanunvericilik bazasına əsaslanmalıdır. Bu barədə iyunun 30-da Azərbaycanda texnoparkların yaradılması məsələlərinə həsr olunmuş növbəti dəyirmi masada Rabitə və informasiya texnologiyaları Nazirliyinin informasiya və kommunikasiya texnologiyaları şöbəsinin müdiri Əflatun Məmmədov məlumat verib.
Onun sözlərinə görə, bu qanunverici baza səhmdarların cəlb olunması şərtləri, potensial şirkətlər üçün əlverişli mühitin yaradılması, onların fəaliyyəti üçün vergi və gömrük güzəştlərinin yaradılması və s, məsələri özündə əks etdirməlidir.
Görüşdə bu obyektlərin yaradılması barədə bir sıra təkliflər səslənib. İqtisadi İnkişaf Nazirliyin nümayəndələri perspektivli sənaye şəhərlərində texnoparkın yaradılmasını təklif ediblər.