2005-ci ilin yanvar-iyun aylarında Azərbaycanın Rabitə və informasiya texnologiyaları Nazirliyi Azərbaycanda rabitə sahəsinə 44 milyard 959 milyon manat (9,6 milyon dollara yaxın) vəsait qoyub. Nazirlikdən Trend ə verilən xəbərə görə, əsas etibarilə bu vəsait paytaxtda və eləcə də regionlarda yeni telefon xəttlərinin tikintisinə, yenidənqurma işlərinə sərf edilib.
Nazirliyin ayrı-ayrı müəssisələrinə vəsait qoyuluşuna gəldikdə isə dövlət strukturundan bildiriblər ki, bu müddət ərzində Aztelekom İstehsalat Birliyi (İB) rabitənin inkişafı üçün 16 milyard 840 milyon manat (3,583 milyona yaxın) , Baki Telefon Rabitasi İB 21 milyard 677 milyon manat (4,612 milyon dollara yaxın), Teleradio İB 1 milyard 715 milyon manat (365 min dollara yaxın), Azerpoct Dövlət Müəssisəsi 3 milyard 36 milyon manat (715 min dollara yaxın) vəsait xərcləyib.