İstənilən şəbəkə və ya qurğuda çıxış rabitə xidmətlərinin mobil multimedia kontentinin tətbiqini həyata keçirən, proqram təminatının dünya tədarükçüsü Adamind LTD elan edib ki, o, Azərbaycanda növbəti mobil operatorun işində CBOSS şirkətinin mobil infrastruktur həllinin bir hissəsi kimi, media uyğunlaşması üzrə platformanın təqdim edilməsi üçün CBOSS tərəfindən seçilib. Trend in verdiyi xəbərə görə, bu barədə Adamind LTD şirkətinin məlumatında qeyd olunub. Beləliklə, Adamind şirkətinin Şərqi Avropada CBOSS şirkəti ilə əməkdaşlığı zamanı quraşdırdığı platformaların sayı üçə çatıb.
CBOSS proqram təminatının ən böyük istehsalçılarından biridir və Rusiya İT-bazarının lideri Adamind platformasını MMS kontentinin uyğunlaşmasında operator imkanlarının genişləndirilməsi üçün mərkəzi komponent qismində operatorun MMS mərkəzinə inteqrasiya etməlidir. Bu, operatora istənilən qurğuda əsas istifadəçi üçün yüksək keyfiyyəti təmin edərək, müxtəlif multimedia xidmətləri göstərməyə imkan verəcək. Bu xidmətlərə musiqi kliplərinin, zəng səslərinin, şəkillərin, təqdimat və elektron poçtunun göndərilməsi daxildir.
"Bizim inteqrasiya həllərinin yerləşdirilməsində Adamind şirkəti ilə davamlı əməkdaşlığımız imkan verir ki, biz Azərbaycanda öz müştərimizə həqiqətən də yeni və əlverişli platforma təqdim edək", - deyə CBOSS şirkətinin satış üzrə vitse-prezidenti Kirill Aqevnin bəyan edib.
Adamind şirkətinin baş direktoru Şaylendra Cayn bildirib ki, Azərbaycanda mobil rabitə istifadəçilərinin artan sayına xidmət göstərərək, bu platformanın yerləşdirilməsi müxtəlif medianın son istifadəçilər tərəfindən mənimsənilməsinə yardım etməlidir.
"CBOSS ilə tərəfdaşlıq Şərqi Avropadakı mövqelərimizi möhkəmləndirir və biz çox şadıq ki, bizi Azərbaycanın mobil multimedia xidmətləri bazarı üçün uyğunlaşma və media yaxşılaşması üzrə həllərin təqdim edilməsi üçün yenə də seçiblər", - deyə o qeyd edib.
