2006-cı ilin yanvar -iyun aylarında Xəzər boru kəməri konsorsiumunun (CPC) səhmdarları "Cənubi Ozereyka-2" terminalında 17,89 mln. CPC Blend növlü neft göndərib. 2005-ci ilin analoji dövründə bu göstərici 17,54 mln. ton olub. Bu barədə Trend ə XBKK-nın mətbuat xidmətindən məlumat veriblər.
2006-cı ilin iyul ayında 2,77 mln. ton göndərilib. 2006-cı ilin iyun ayında 2,37 mln. ton və 2005-ci ilin iyul ayında isə 2,54 mln. ton göndərilib.
CPC səhmdarları 2004-cü ildə göndərilmiş 22,507 mln. tonla müqayisədə 2005-ci ildə 30,502 mln. ton CPC Blend ixrac növü göndəriblər. Ötən il neftin CPC Blend növünün orta aylıq göndərilməsi 2,541 mln. ton təşkil edib. 2004-cü ildə isə bu göstərici 1,875 mln. ton olub.
Terminalda nəql və yüklənməni həyata keçirən CPC yük göndərənləri aşağıdakılardır (qoşulma ardıcıllığı ilə): "Tenqizşevroyl" - bağlanmış müqavilələrdən birincisi - tədarük edilən həcmlər sistemin gücünün əsas yükünü təmin edir. "Arman" - Oryx Caspian Pipeline LLC - CPC səhmdarının yük göndərəni, hazırda Shell-in mülkiyyətindədir. "Embamunayqaz" və "Kazaxoyl-Aktobe" - Kazakstan Pipeline Ientures LLC - XBK səhmdarının yükgöndərəni. "CNPC-Aktobemunayqaz"- Qazaxıstan Hökümətinin çıxış hüquqlarından istifadə edərək, terminalda yüklərin nəqli və yüklənməsini həyata keçirir. "Litasko"- LUKARKO B.V. şirkətinin - CPC səhmdarının yükgöndərəni. "Karaçaqanak Petroleum Opereytinq B.V." - "Tenqizşefroyl"-dan sonra nəql edilən neft həcmləri üzrə ikinci yük göndərən - XBK -nın bir sıra səhmdarları ilə qruplaşdırılıb. "NaftaTrans" QSC və onunla birgə qruplaşdırılmış şirkətlərə Rusiya Federasiyasının çıxış hüquqlarına müvafiq olaraq, XBK-ya Rusiya istehsalçılarının neftini tədarük etmək həvalə olunub.