Hazırda Azərbaycanda kompüter piratlçılığının səviyyəsi 80% təşkil edir. Bu haqda Trend ə Azərbaycan Müəllif Hüquqları Agentliyinin rəhbəri Abutalıb Səmədov xəbər verir. Onun sözlərinə görə, bu rəqəm MDB ölkələri üzrə 89% təşkil edir.
Agentliyin rəhbəri həmçinin qeyd edir ki , "Microsoft Azerbaijan"-la birgə tədbirlər planı hazırlanıb və bu gün bu mövzu çərçivəsində "Kompüter piratçılığı və Azərbaycan iqtisadiyyatına onun təsiri" mövzusunda seminar keçirilib.
Agentliyin rəhbəri hesab edir ki, pirat məhsullarının yayılmasının əsas səbəbi Azərbaycan qanunvericiliyində boşluqların olmasıdır. İlk növbədə bu yönümdə qanunvericilik bazasına dəyişikliklər və əlavələr edilməlidir.
A.Səmədov həm də qeyd edib ki, agentlik müəlliflik hüququ haqqında yeni qanunvericilik layihəsi hazırlayıb ki, bunun gələn il tətbiq ediləcəyi nəzərdə tutulub. Bununla bərabər həm də Müəlliflik hüququ haqqında 2007-2010-cu il Dövlət Proqramı qüvvəyə minəcək.
