Azərbaycan,Bakı/müxbir Trend S.Babayeva/Azərbaycanın Daşkəsən rayonunun Xoşbulaq kəndində əhalinin telefonlaşdırılması üçün tədbirlər həyata keçirilir. Bu məqsədlə Azərbaycanın Rabitə və İnformasiya Texnologiyaları Nazirliyinin "Aztelekom" BM-in Daşkəsən Telefon Qovşağı (DTQ) kənddə elektron-avtomat telefon stansiyasının (EATS) quraşdırılması üçün tender elan edib.
Maraqlı şirkətlərin təklifləri martın 12-nə qədər telefon qovşağında qəbul olunacaq. EATS-in həcmi 256/30 nömərədən ibarət olmalıdır.
Hazırda Bakı üzrə rabitənin elektronlaşdırılması səviyyəsi 80%-dən çox, Azərbaycanın digər regionları və yerləri üzrə 60%-dən çox təşkil edir.
Bu tədbirlər 2005-2008-ci illərdə Azərbaycanda informasiya-kommunikasiya texnologiyalarının inkişafı üzrə dövlət proqramına ("Elektron Azərbaycan") uyğun olaraq həyata keçirilir.
