Azərbaycan, Bakı /müx. Trend S.Babayeva/ Azərbaycanın "Smart Systems Technology" (SST) şirkəti kabel televiziyası sahəsində xidmət göstərən "B&B TV" üçün müəyyən işlər görür. SST-dən verilən məlumata görə, şirkət konkret olaraq "İnternet abonent" (İnternet vasitəsilə abunəçiləri xəbərdar etmək) və "SMS-abonent" (abunəçiləri sms vasitəsilə xəbərdar etmək) modullarını hazırlayıb tətbiq edəcək.
Tərəflər arasında müqavilə bu il martın 7-də bağlanıb. İşlərin isə aprelin sonunadək yekunlaşacağı gözlənilir.
Məlumat üçün bildirək ki, "Smart Systems Technology" 1999-cu ilin noyabrında yaradılıb. Şirkət bank və maliyyə fəaliyyətinin kompleks avtomatlaşdırılması sahəsində xidmətlər göstərir, telekommunikasiya şəbəkələrinin quraşdırılmasını layihələşdirir, həmçinin bank və maliyyə sahəsində konsaltinq xidmətləri təklif edir. Şirkət "Oracle" korporasiyasının rəsmi tərəfdaşıdır.