Azərbaycan, Bakı, 12 iyun /Trend, müxbir A.Axundov/
"Aqrolizinq" dövlət lizinq şirkəti lazımi avadanlıqların və sığorta xidmətlərinin satın alınması üzrə iki tender elan edib. Trend-in məlumatına görə, bu barədə Tender Komissiyasının çərşənbə axşamı rəsmi mətbuatda dərc etdirdiyi məlumatda deyilir.
İki hektar ərazidə istixana avadanlıqlarının alınması və quraşdırılması üçün birinci tender bir lot üzrə keçiriləcək.
Tenderdə iştirakın dəyəri bir min manatdır.
Dörd lot üzrə keçiriləcək ikinci tender Şəmkir rayonunda soyuducu kameraların alınması və quraşdırılması, cins mal-qaranın sığortalanması xidmətlərinin satın alınması və şirkətin avtomobillərinin icbari sığortası, heyvandarlıq kompleksi üçün avadanlıqların alınması və quraşdırılmasını nəzərdə tutur.
İlk üç lot üzrə tenderdə iştirakın dəyəri 300 manat, dördüncü üzrə isə 200 manatdır.
Birinci tender çərçivəsində təkliflər 27 iyul saat 15:00-dək, ikincisi üzrə 24 iyun saat 15:00-dək təqdim olunmalıdır.