Azərbaycan, Bakı, 31 iyul /Trend, müxbir Ə.Həsənov/
Masallı rayon İcra Hakimiyyəti avtomobil yolunun əsaslı təmiri məqsədilə açıq tender elan edib. Trend-in məlumatına görə, bu barədə çərşənbə axşamı tender komissiyasının rəsmi mətbuatda dərc edilən məlumatında deyilir.
Tenderdə iştirak haqqı 150 manatdır. İştirakçıların tender təklifləri və bank zəmanəti 20 sentyabr 2012-ci il, saat 17:00-dək qəbul edilir, tender təkliflərinin açılması isə cari ilin sentyabr ayının 21-də, saat 11:00-da baş tutacaq.
Tenderdə iştirak etmək üçün müvafiq sənədlər 2012-ci il 14 sentyabr, saat 17:00-dan gec olmayaraq aşağıdakı ünvan üzrə Masallı rayon İcra Hakimiyyətinə təqdim olunmalıdır: Masallı şəhəri, Qarabağ küçəsi, 20. Əlaqələndirici şəxs - Əbilov Şahin, telefon: + 994 (151) 5-31-76.
