Azərbaycan, Bakı, 16 fevral /Trend, müxbir A.Axundov /
"Azərbaycan Dəmir Yolları" QSC Bakı-Böyük Kəsik dəmiryol dəhlizi çərçivəsində işarəvermə sisteminin zavod layihələndirilməsi, təchizatı və quraşdırılması üzrə tender elan edib. Bu barədə Tender Komissiyasının şənbə günü dərc olunmuş məlumatında deyilir.
İşlər Dünya Bankının "Dəmir Yolu Ticarətinin və Nəqliyyatının Dəstəklənməsi" layihəsi çərçivəsində yerinə yetirilir. Bank bu layihənin maliyyələşdirilməsi üçün Azərbaycana 450 milyon dollar vəsait verib. Habelə layihə bu dəhliz istiqamətində 25 kV 50 Hz enerji sisteminə keçidi təklif edir. İşarəvermə sistemi bu enerji sisteminə uyğunlaşdırılmalıdır.
Tenderin şərtlərinə görə, işlər 48 ay ərzində yerinə yetirilməlidir. Təkliflər 19 aprel saat 17.00-dək qəbul edilir. Tenderdə iştirakın dəyəri 160 (yaxud 200 dollar) manatdır.
