Azərbaycan, Bakı, 22 may /Trend, müxbir Z.Qurbanova/
Kənd Təsərrüfatı Nazirliyinin Kənd Təsərrüfatı Kreditləri üzrə Dövlət Agentliyi "İnteqrasiya olunmuş kənd təsərrüfatının inkişafı" layihəsi çərçivəsində monitorinq və qiymətləndirmə üzrə mütəxəssisin cəlb edilməsi üçün tender elan edib. Trend xəbər verir ki, bu barədə rəsmi mətbuatda dərc edilən məlumatda deyilir.
Tenderdə iştirak etmək istəyənlərin oxşar layihələr üzrə ən azı 5 il iş təcrübəsi olmalıdır.
Layihə Beynəlxalq Kənd Təsərrüfatı İnkişafı Fondu (IFAD) və İslam İnkişaf Bankın (İİB) kreditləri hesabına reallaşdırılır.
Sənədlər 2014-cü il iyunun 12-dək qəbul edilir.
E-mail: [email protected]
Qeyd edək ki, ümumi dəyəri 103,8 milyon dollar olan layihə ölkənin 4 şimal və mərkəzi rayonunda (Yevlax, Ağdaş, Şəki, Oğuz) 50 min kənd ailəsinə yardım etməyə hesablanıb. Layihənin komponentlərindən biri irriqasiya sisteminin yaxşılaşdırılmasıdır.