...

"Müsəlman qardaşları" Qətər üçün başağrısıdır

Nəzər nöqtəsi Materials 5 İyun 2017 16:55 (UTC +04:00)
Böyük ambisiyaları olan kiçik ölkə - Qətər uzun illər boyunca ərəb dünyasındakı münaqişələrin həllində vasitəçi kimi çıxış edib.
"Müsəlman qardaşları" Qətər üçün başağrısıdır

Rufiz Hafizoğlu - Trend:

Böyük ambisiyaları olan kiçik ölkə - Qətər uzun illər boyunca ərəb dünyasındakı münaqişələrin həllində vasitəçi kimi çıxış edib. Qətər Qərbi Saxara, Yəmən, Efiopiya, Sudan, Livan və digər ölkələrdə münaqişələrin həllində vasitəçilik edib.

Bu gün Səudiyyə Ərəbistanı, BƏƏ, Bəhreyn, Misir, Yəmən və Liviya Qətərlə diplomatik münasibətləri dayandırdığını elan etdi. Bu ölkələr qərarı Dohanın terrorçuluğa, eləcə də Yəməndə husi hərəkatına dəstək verən İranı dəstəkləməsi ilə izah edib.

Qeyd edək ki, bu cür addım 2014-cü ildə də atılmışdı. O zaman Səudiyyə Ərəbistanı, BƏƏ, Bəhreyn Qətərlə diplomatik münasibətləri dayandırmışdı.

Amma indiki qərarın digər səbəbi də mövcuddur. Bu, Qətərin “Müsəlman qardaşları” təşkilatına göstərdiyi loyal münasibətdir. Qeyd edək ki, bu təşkilatın adı yuxarıdakı ərəb ölkələrində terror təşkilatları sırasına daxil edilib.

Səudiyyə Ərəbistanı bu təşkilatı daxili siyasətdə ciddi rəqib kimi görə bilər. Bu ölkədə daxili siyasət alternativ olmadığı üçün “Müsəlman qardaşları”nın siyası fəallığı ölkədə narahatlığa və ciddi siyasi proseslərə gətirib çıxara bilər.

Bununla da şübhə yaranmır ki, ərəb ölkələri məhəz bu təşkilata görə Qətərlə diplomatik münasibətləri dayandırıb.

Məqalədə:
Xəbər lenti

Xəbər lenti