Azərbaycan, Bakı, 19 may /Trend, müxbirlər E.Mehdiyev, V.İmanov/
"Bakı Kristal Zalı"nın səhnəsində Niderlandın "Eurovision 2012" təmsilçisi Joan Frankanın məşqi keçirilib.
Trend-in məlumatına görə, müğənni ikinci yarımfinalda "You and Me" ("Sən və mən") kompozisiyası ilə çıxış edəcək.
Joanın əsl adı Aytən Kalandır. Rotterdamda anadan olub. Atası türk, anası hollanddır. Musiqi karyerasına 2010-cu ildə "The Voice of Holland" müsabiqəsində iştirak etməklə başlayıb. Məhz bu müsabiqə müğənniyə ilk populyarlıq gətirib.
