Azərbaycan, Bakı, 06 oktyabr/ Trend , müxbir E.Tariverdiyeva/ ABŞ Dövlət Katibinin Qazaxıstana səfəri daha çox Vaşinqtonun bu ölkənin enerji maraqları və Rusiyanı sıxışdırmaq istəyi ilə bağlıdır.
їQafqaz böhranından sonra ABŞ - a postsovet məkanında olduqca çox sayda ölkənin dəstəyini almaq çox vacibdir və ilk növbədə, enerji daşıyıcıları və onların nəqlinə görəї, - Qazaxıstan üzrə amerikalı ekspert Pol Olxovski (Olhovskiy, Paul) Trend - a bildirib.
Qazaxıstan prezidenti Nursultan Nazarbayev və oktyabrın 5 - də Qazaxıstana səfər etmiş ABŞ Dövlət Katibi Kondoliza Rays beynəlxalq və regional xarakterli geniş məsələləri müzakirə ediblər. Bu məsələlər arasında iki ölkənin neft- qaz sahəsində əməkdaşlığına xüsusi diqqət verilib.
ABŞ artıq çoxdandır ki, Mərkəzi Asiyadan, xüsusilə də Qazaxıstandan neft və qazın Avropaya nəqli marşrutlarının diversifikasiyasına can atır.
ABŞ - da və digər Qərb ölkələrində Mərkəzi Asiyanın neft - qaz sərvətlərinə çıxışla bağlı yarışmada Rusiyanın geri qalması hissi var, - Bostonun Smit Kollecinin eksperti Sergey Qlebov їBi-bi-sidə səhərї proqramında bildirib.
ABŞ - ın enerji maraqlarının əsas bəndlərindən biri Rusiya ilə ənənəvi yaxşı münasibətlərə malik Qazaxıstan olub.
Rusiyalı politoloq Sergey Markov hesab edir ki, Raysın səfəri ABŞ - ın postsovet məkanına ümumi maraq tendensiyasını əks etdirsə də, əsas məsələ, əlbəttə ki, Qazaxıstanın çox vacib rol oynadığı energetika sahəsində maraqdır. їO cümlədən də, Amerika şirkətlərinin həyata keçirdiyi enerji daşıyıcları hasilatında. Əsas məsələ ya Rusiya ilə əməkdaşlıqla, ya da bunsuz həyata keçirilə biləcək enerji daşıyıcılarının tranzitidirї, - Rusiya Dövlət Dumasının deputatı Markov telefonla Trend - a bildirib.
Amerikalı ekspert Olxovski razıdır ki, ABŞ - ın başlıca məqsədi Mərkəzi Asiyanın iqtisadi baxımdan ən çox inkişaf etmiş ölkələrindən birinin dəstəyini almaq olub. їVə ilk növbədə, enerji daşyıcıları və onların nəqlinə görə. Belə ki, Qazaxıstanın Rusiyanın təsir dairəsi kimi qalmaması çox vacibdirї, - Delex Systems, Inc-in analitiki Olxovski telefonla Trend -a bildirib.
Məlumdur ki, Rusiyanın həmişə Qazaxıstanla çox sıx münasibətləri olub. Lakin gələcəkdə Qazaxıstanın ABŞ ilə yaxınlaşmasında rol oynaya biləcək bir neçə amil var. Qazaxıstan dünyanın aparıcı ölkələrinin maraqları arasında manevr edir, - qazaxıstanlı politoloq Sultan Akimbekov Bi-bi-sinin Rusiya xidmətinin efirində bildirib.
їQazaxıstan bir sıra müqavilələr üzrə Rusiya ilə sıx bağlıdır. Qazaxıstanın ABŞ ilə çox sıx münasibətləri var. O, həmçinin, NATO - nun їSülh naminə tərəfdaşlıqї Proqramında iştirak edir. Qazaxıstanın Gürcüstanda çox güclü sərmayələri olubї, - Akimbekov bildirib.
Markovun sözlərinə görə, Qazaxıstan ABŞ - ın vacib rol oynadığı dünya təşkilatları ilə əməkdaşlığa can atır. Markovun sözlərinə görə, xüsusilə də, ölkə ABŞ - ın vacib üzv olduğu ATƏT- ə sədr seçilməyə can atır.
Ekspertin rəyinə görə, bütün bunlar ABŞ və Qazaxıstanın gələcəkdə yaxınlaşmasına gətirə bilər.
Olxovskinin sözlərinə görə, Qazaxıstan ABŞ ilə əməkdaşlıqdan çox şey ala bilər. Lakin Rusiyanın coğrafi baxımdan yaxınlığı RF və Qazaxıstanın münasibətləri üçün daim həlledici əhəmiyyətli olacaq, - ekspert bildirib.
Müəlliflə əlaqə saxlamaq üçün elektron ünvan: [email protected]