İran, Tehran, 29 noyabr/ Trend , müxbir A.Namdari/ Iranda ötən iki gün ərzində narkotik maddələrin qaçaqmalçılığı ilə əlaqədar 500 nəfərdən çox şəxs bu ölkənin hüquq-mühafizə orqanları tərəfindən həbs edilib.
Adının çəkilməsini istəməyən polis əməkdaşı bugün Trend -a bildirib ki, polis qüvvələri ötən cümə axşamı günü Kərəc rayonunda (qərbi Tehran) 220 nəfərdən artıq insanı narkotik maddələrin qaçaqmalıçılığı ilə əlaqədar həbs edib.
Həmin şəxslər hüquq-mühafizə orqanlarının təşkil etdiyi 230 əməliyyat qrupu tərəfindən yaxalanıblar.
Məlumatlı mənbənin bildirdiyinə görə, İranın cənub hissəsində yerləşən Xuzestan polisi də bir gün ərzində 220 nəfəri narkotik maddələrin qaçaqmalçılığı ilə bağlı həbs edib.
Sözügedən şəxslər Xuzestan vilayətində narkotik maddələrin alqı-satqısı və dövriyyəsi ilə məşğul olmaqda təqsirləndiriliblər.
İranda narkotik maddələrin külli-miqdarda qaçaqmalçılığına görə ölüm cəzası verilir.
İran cari ildə onlarla şəxsi narkotik maddələrin qaçaqmalçılığına görə edam cəzasına məhkum edib.
Hüquq müdafiəçiləri bu edamlara qarşı çıxış edirlər.
