Ukrayna, Kiyev, 09 dekabr/ Trend , müxbir Z.Novosvitski/ Litvin Bloku fraksiyası "Bizim Ukrayna-Xalq Özünümüdafiə" və Yuliya Timoşenko Bloku fraksiyaları ilə koalisiyanın yaradılmasına razıdır.
UNİAN-ın verdiyi xəbərə görə, bu barədə eyni adlı fraksiyanın rəhbəri Vladimir Litvin jurnalistlərə məlumat verib. Onun sözlərinə görə, "fraksiya bununla əlaqədar müsbət qərar qəbul edib".
"Bu gün təcili anti-böhran tədbirləri qəbul etmək zəruridir. Belə ki, maliyyə böhranının mənfi nəticələri ilə bağlı təhlükə günbəgün deyil, saatbasaat artır", - Litvin vurğulayıb.
Bu gün - parlamentin işi başladıqdan dərhal sonra
16.00-dək fasilə elan edilib. Fraksiyalar koalisiyanın
formalaşdırılması və spikerin seçilməsi
üzrə məsləhətləşmələrin başa
çatdırılması üçün fasilə elan
etməyi xahiş ediblər, - Ukrayna Ali Radası sədrinin
birinci müavini Aleksandr Lavrinoviç qeyd edib.
Müəlliflə əlaqə saxlamaq üçün elektron ünvan: [email protected]