İran, Tehran, 17 dekabr / , müxbir A. Namdari/ İran Parlamenti Rəyasət Heyətinin üzvi, İran nümayəndə heyətinin Misirə səfərinin ləğvi haqqında məlumatı təkzib edib.
"İsrail mətbuatı bir az tələsib və İran parlamentinin Misirə səfəri baş tutacaq",- deyə İran parlamenti Rəyasət Heyətinin üzvi Möhsün Kuhkən Trend - a müsahibəsində bildirib.
İsrailin "Yerusəlim post" qəzetinin çərşənbə günü Misir parlament sözçüsünə istinadən yaydığı məlumatında İran parlamenti nümayəndə heyətinin Misirə səfərinin ləğv olunduğu bildirilir.
Kuhkən əlavə edib ki, İsrail mətbuatının İranla bağlı məlumatlarına güvənmək olmaz.
"İslam ölkələri parlament sədrləri iclası" nın Misirdə keçirilməsi qərarıAsiya ölkələri palament sədrlərinin İndoneziyada keçirilən iclasında qəbul edilib", - deyə Kuhkən əlavə edib.
İsrailin "Yerusəlim post" qəzeti Misir Parlament sözçüsü Əhməd Fəthi Sərvərə istinadən bildirmişdi ki, Misir rəsmiləri, İran rəsmilərinin sərt çıxışlarına cavab olaraq, bu iclası ləğv ediblər.
Tehran - Qahirə münasibətlərində gərginlik 1978 - ci ildə Misir ilə İsrail arasında sülh sazişi imzalanandan sonra yaranıb. İran Misiri müsəlmanların maraqlarına xəyanətdə itiham edərək, onun ünvanına kəskin çıxış edib və ərəb ölkələrini Misirin Yaxın Şərqdə yürütdüyü siyasəti dəstəkləməməyə çağırıb.
Müəlliflə əlaqə saxlamaq üçün elektron ünvan [email protected]
