Azərbaycan, Bakı, 4 mart / Trend , müxbir A.Axundov/
Türkiyə Prezidenti Abdulla Gül çərşənbə günü Ankarada Çankaya Sarayında Cümhuriyyət Xalq Partiyasının sədri Dəniz Baykalı qəbul edib. Bu barədə CNN Turk məlumat yayıb.
Görüşdən sonra partiyanın yaydığı məlumatda deyilir ki, Dəniz Baykal Çankaya Sarayına Abdulla Gülün dəvətilə gedib.
"Görüş zamanı prezident bu yaxınlarda məhkəmə strukturlarının rəhbərləri və digər səlahiyyətli şəxslərlə keçirdiyi görüşlərdən danışıb. Sədr Baykal öz növbəsində konstitusiyaya dəyişikliklər, ölkədə aparılan məhkəmə islahatları və son məhkəmə prosesləri haqqında fikirlərini bölüşüb", - məlumatda bildirilir.