Gürcüstan, Tbilisi, 10 mart / Trend , müxbir N.Kirsxaliya/
Gürcüstanda müşahidə missiyasını bərpa etmək üçün ATƏT bütün qüvvəsini sərf edir. Bunu ATƏT-in Parlament Assambleyasının prezidenti Joao Suareş Gürcüstan xarici işlər nazirinin müavini Aleksandr Nalbandov ilə görüşündən sonra deyib.
Bununla yanaşı, o qeyd edib ki, bu məsələni Gürcüstan və Rusiya həll etməlidir.
"Missiyanın bərpa edilməsinə dair hər iki ölkənin siyasi qərar qəbul etməsi çox vacibdir. Ancaq bundan sonra bu istiqamətdə hər hansı bir fəal tədbirlər həyata keçirtmək mümkün ola bilər. Biz Gürcüstanda ATƏT missiyasının bərpa edilməsinə dair öz mövqeyimizi dəfələrlə qeyd etmişik", - Suareş deyib.