"Thomas Cook" aviaşirkətinin Stokholmadan Antaliyaya uçan "Aerobus 330" təyyarəsini ildırım vurub, - "Habertürk"ün saytı xəbər verir. Təyyarənin göyərtəsində 405 sərnişin olub. Hadisə nəticəsində xəsarət alan olmayıb.
Təyyarə qalxdıqdan bir neçə dəqiqə sonra sərnişinlər güclü təkan hiss ediblər. Pilot Torben Anderson ildırım zərbəsinin dəydiyini elan edib və Stokholmun Arlanda Hava Limanına qayıtmaq barədə qərar qəbul edib.
Təyyarənin Antaliyaya yaxın saatlar ərzində yola salınması planlaşdırılıb.