Gürcüstan, Tbilisi, 14 sentyabr /Trend, müxbir N.Kirsxaliya/
Bu gün axşam Şorapani kəndi yaxınlığında baş verən avtomobil qəzasında üç nəfər həlak olub. Patrul polisinin məlumatına görə, ilkin olaraq Tbilisi-Senaki-Leselidze yolunda cip və mikroavtobus toqquşub, bundan sonra onlar minik maşınına dəyiblər.
Toqquşma nəticəsində yerindəcə iki nəfər həlak olub, bir qadın aldığı zədələrdən Zestafoni xəstəxanasına aparılarkən yolda ölüb.
Xəstəxanaya yeddi nəfər müxtəlif zədələrlə çatdırılıb. Onlardan beşinin vəziyyəti ağırdır.
İndi onları əməliyyata hazırlayırlar.
Hadisə yerində patrul polisi və kriminalistlər olub. Onlar yol nəqliyyat hadisəsinin səbəblərini müəyyənləşdirirlər.