Azərbaycan, Bakı, 23 avqust /Trend/
İranın xarici işlər naziri Əli Əkbər Salehi bu gün səhər Somaliyə səfər edib. Bu barədə Trend İran televiziyasının rəsmi xəbər saytı iribnews.ir-ə istinadən məlumat verir.
Salehi Somali rəsmiləri ilə görüşəcək və paytaxt Moqadişoda qaçqınlara baş çəkərək onlara humanitar yardımların çatdırılması prosesi ilə tanış olacaq.
Salehini səfər zamanı İranın Qırmızı Aypara Cəmiyyətinin və Kənd Təsərrüfatı Nazirliyinin nümayəndələri müşayiət edirlər.