Azərbaycan, Bakı, 26 aprel /Trend, müxbirlər M.Moizi, E.Tariverdiyeva /
Aprelin 22-də İranın Neft Nazirliyinin informasiya şəbəkəsi kiberhücuma məruz qaldıqdan sonra bu gün o yenidən internetə çıxıb. Trend-in məlumatına görə, bu barədə FARS agentliyi xəbər verir.
Məmurların ehtimallarına görə, hücum çox güman ki, bu sahənin inkişafına mane olmaq üçün nNazirliyin avtomatlaşdırılmış idarəetmə sisteminə yönəldilib.
Lakin İİR-in Milli Neft Şirkəti haqqındakı son dərəcə vacib məlumata xələl dəyməyib. Çünki şirkətin əsas serveri nazirliyin ümumi şəbəkəsindən ayrı çalışır.