Azərbaycan, Bakı, 14 noyabr / Trend, müxbirlər E.Tariverdiyeva, T.Cəfərov /
Çərşənbə günü səhər İranın Xosrov Rəzəvi əyalətində hərbi helikopter qəzaya uğrayıb. Trend-in məlumatına görə, bu barədə FARS agentliyi xəbər verib.
Xosrov Rəzəvi əyalətinin aeroportlarının rəhbəri Səid Çelandari qəzaya uğrayan helikopterin İran ordusuna məxsus olduğun qeyd edib.
Onun sözlərinə görə, helikopterin düşdüyü yerə yaralılara yardım edilməsi və həlak olanların aşkar edilməsi üçün xüsusi qrup göndərilib.
Xosrov Rəzəvi ordunun, İİKK və "Bəsic" könüllü dəstələrinin "Vilayət-4" təlimlərinin keçirildiyi səkkiz əyalətdən biridir.