Azərbaycan, Bakı, 27 yanvar /Trend, müxbir Məftun Salmanov/
Türkiyədə yeni açılacaq körpələr evindən 5 il ərzində gəlir və mənfəət vergisi alınmayacaq.
Trend-in "Sabah" qəzetinə istinadən verdiyi məlumata görə, bu barədə Türkiyə parlamentinə təqdim edilmiş "Ailənin və dinamik əhali strukturunun qorunması" paketində deyilir.
Qanun layihəsi qüvvəyə mindikdən sonra bunun tətbiqinə başlanılacaq.
Bundan başqa, 3 yaşı tamam olmamış uşağı övladlığa götürmüş məmura 8 həftə ödənişli, 24 aya qədər də ödənişsiz icazə verilməsi nəzərdə tutulur.