Azərbaycan, Bakı, 4 mart /Trend/
Rusiya hüquq-mühafizə orqanları Boris Nemtsovun qətli kimi siyasi xarakterli cinayətlərin açılmasına çox ciddi diqqət yetirməlidir. Trend-in Rusiya KİV-lərinə istinadən verdiyi məlumata görə, bunu Rusiya prezidenti Vladimir Putin deyib.
Putin deyib ki, Rusiyanı gələcəkdə bu cür faciələrin baş verməsindən qorumaq lazımdır: "Səs-küylü cinayətlərə, o cümlədən siyasi xarakterli olanlara çox ciddi diqqət yetirilməlidir. Rusiyanı nəhayət ki, bu yaxınlarda gördüyümüz və yaşadığımıza bənzər biabırçılıqdan və faciədən qurtarmaq lazımdır".