Azərbaycan, Bakı, 20 oktyabr /Trend/
Pakistanda Bəlucistan vilayətinin inzibati mərkəzi olan Kvetta şəhərində avtobusun partlaması nəticəsində ən azı 10 nəfər ölüb, 18 nəfər yaralanıb.
Trend-in RİA Novosti-yə istinadən verdiyi məlumata görə, partlayış zamanı avtobusda 40 nəfər olub. Xilasedicilərin bildirdiyinə görə, ölənlər arasında iki uşaq var.
Heç bir qruplaşma hələ ki, baş verən hadisə ilə bağlı məsuliyyəti öz üzərinə götürməyib.