Bakı - Trend:
Qarsdakı "erməni-türk dostluğu" abidəsini qorxunc adlandırdığı üçün məhkəməyə verilərək 10 min türk lirəsi təzminat ödənilməsi tələb edilən Türkiyə prezidenti Rəcəb Tayyib Ərdoğan apelyasiya məhkəməsində qalib gəlib. Trend-in məlumatına görə, bu barədə Türkiyənin Haber7 qəzeti məlumat verib.
Məlumata əsəsən, Türkiyə apelyasiya məhkəməsi Ərdoğan əleyhinə olan qərarı ləğv edib.
2011-ci ildə hazırkı prezident sabiq Baş Nazir Qarsa səfəri zamanı "erməni-türk dostluğu" abidəsini qorxunc adlandırmışdı.
Sonra abidənin memarı Mehmet Aksoy məhkəməyə müraciət edərək Ərdoğandan onun əl işini təhqir etdiyi üçün təzminat tələb etmişdi.
Qarsdakı "erməni-türk dostluğu" 2011-ci ilin sonunda sökülüb.