Bakı. Elçin Hüseynov - Trend:
Suriyada terrorizmlə mübarizə aparmaq üçün İran və Rusiya birgə təlimlər keçirə bilərlər. Trend xəbər verir ki, bu barədə RİA Novosti-yə müsahibəsində Rusiya Federasiya Şurasının senatoru İqor Morozov bildirib.
Bu gün Rusiya Federasiyası Federal Məclisinin Federasiya Şurasının sədri Valentina Matviyenko iranlı həmkarı Əli Laricani ilə görüş keçirib.
İ.Morozov deyib ki, görüşdə Suriyada birgə antiterror əməliyyatlarının aparılması müzakirə mövzusu olub: "Xüsusilə söhbət ölkələrimiz arasında hərbi-texniki əməkdaşlıqdan, beynəlxalq terrrorizmlə mübarizə istiqamətində birgə təlim və xüsusi əməliyyatların keçirilməsindən gedir".