Bakı. Trend:
Ermənilər nə etsələrdə, Dağlıq Qarabağ Azərbaycanın tərkib hissəsi olaraq qalacaq. Trend-in Anadolu agentliyinə istinadən verdiyi xəbərə görə, bu barədə Türkiyənin baş naziri Binəli Yıldırım Ankarada bildirib.
"Ermənilər nə etsələrdə, həqiqəti dəyişmək mümkün deyil. Dağlıq Qarabağ Azərbaycanın tərkibi hissəsidir", - deyə Türkiyənin baş naziri bildirib.
Onun sözlərinə görə, hər qarış Qarabağ torpağında Azərbaycan xalqının izi var.
"Mən istərdim ki, hamı bilsin ki, Azərbaycanın dostları - bizim dostlarımızdır və düşmənləri - Türkiyənin düşmənləridir", - deyə Yıldırım bildirib.
"Azərbaycanın torpaqlarının uzun illər işğal altında qalması ədalətsizdir. Qaçqın və məcburi köçkünlər öz evlərinə qayıtmalıdırlar və bunun üçün biz Bakıya ən yüksək səviyyədə dəstək olacağıq", - deyə Yıldırım qeyd edib.
O vurğulayıb ki, Xocalıda ermənilərin törətdiyi cinayətlər unudula bilməz. "Xocalıda insanlığa qarşı dəhşətli cinayət törədilib", - deyə Türkiyənin baş naziri bildirib.