Bakı. Trend:
Yerevanda polis post patrul xidməti polkunun binasını ələ keçirən silahlı qrup daha bir polis avtomobilini yandırıb.
Trend-in RİA Novosti-yə istinadən verdiyi məlumata görə, bunu Ermənistan polisinin mətbuat katibi Aşot Aqaronyan deyib.
O, "feysbuk" səhifəsində yazıb: "Samand" markalı daha bir post patrul xidməti avtomobili silahlılar tərəfindən yandırılıb".
Qeyd edək ki, iyulun 25-i gecə silahlılar polisə məxsus "Chevrolet" markalı avtobus və bir minik maşınını yandırıblar. Bundan əvvəl isə polisə məxsus "Qazel" markalı mikroavtobusa od vurmuşdular.