Bakı. Trend:
Qvatemalada Akantenanqo vulkanına qalxarkən ölən turistlərin sayı 6-ya çatıb.
Trend-in "RİA Novosti"yə istinadən verdiyi məlumata görə, ötən şənbə günü iki turist qrupu vulkana qalxmağa başlayıb. Lakin sonra havanın temperaturu kəskin aşağı düşüb və başlayan güclü külək turistlərin çadırlarını dağıdıb.
Məlumata əsasən, hələlik 2 nəfərin həyatını xilas etmək mümkün olub. Yerli xilasetmə xidmətlərinin iştirakı ilə xilasetmə əməliyyatı davam edir.