Bakı. Trend:
İlkin ehtimala əsasən, Sankt-Peterburq metrosunda partlayış törədən şəxs Qırğızıstan əsillidir.
Trend-in məlumatına görə, bunu RİA Novosti-yə Qırğızıstanın Milli Təhlükəsizlik üzrə Dövlət Komitəsinin mətbuat katibi Rahat Süleymanov deyib.
R.Süleymanov qeyd edib ki, Dövlət Komitəsi terror aktının tədqiqatı üçün rusiyalı həmkarları ilə mütəmadi təmasdadır.
Qeyd edək ki, ötən gün Sankt-Peterburq metrosunda baş vermiş terror aktı nəticəsində həlak olanların sayı 11 nəfərə çatıb, 45 nəfər xəstəxanaya yerləşdirilib.