Təfərrüatlar əlavə olunub (ilk xəbər saat 10:58-də yayılıb)
Bakı. Trend:
Tehranda Xomeyninin məqbərəsinə hücum edən şəxslər zərərsizləşdirilib.
Trend-in məlumatına görə, silahlı şəxslərdən biri özünü partladıb, digəri təhlükəsizlik orqanlarının əməkdaşları tərəfindən məhv edilib. Üçüncü silahlı isə yaralanıb.
Bundan başqa, məqbərənin yaxınlığında partlayıcı qurğunun zərərsizləşdirildiyi bildirilir.
X X X
10:58
Xomeyninin məqbərəsinə hücum edən üç nəfərdən ikisi saxlanılıb.
Trend-in məlumatına görə, yerli KİV-lər üçüncü şəxsin özünü partlatdığını bildirir.
Hadisə nəticəsində 1 nəfər ölüb, 5 nəfər yaralanıb.
X X X
Tehranda Xomeyninin məqbərəsində bir nəfər özünü partladıb.
Trend-in məlumatına görə, bundan əvvəl bir neçə naməlum şəxsin məqbərədə atəş açdığı bildirilirdi.
Hadisə nəticəsində yaralıların da olduğu deyilir.
Xatırladaq ki, bundan əvvəl İran parlamentində atışma olub, 3 nəfər xəsarət alıb.