Bakı. Rufiz Hafizoğlu - Trend:
Almaniyada fəal şəkildə Türkiyə əleyhinə təbliğat aparılır.
Trend-in məlumatına görə, bunu “TRT Haber” telekanalına müsahibəsində Türkiyənin xarici işlər naziri Mövlud Çavuşoğlu deyib.
Onun sözlərinə görə, Almaniya Türkiyəyə qarşı düşmən münasibətini dəyişməlidir.
Nazir qeyd edib ki, Türkiyə Almaniya ilə düşmənçilik etmir və münasibətləri pozmağa heç bir səbəb görmür: “Əgər münasibətlərdə hər hansı bir problem varsa, danışıqlar masası arxasına əyləşib bunu müzakirə etmək lazımdır”.