Bakı. Trend:
Yaxın günlərdə İspaniyanın Kataloniya muxtar vilayəti müstəqilliyini elan edəcək.
Trend-in məlumatına görə, bunu vilayətin rəhbəri Karles Puçdemon bəyan edib.
O, BBC-yə müsahibəsində qeyd edib ki, Kataloniya rəhbərliyi bu həftənin sonu və ya növbəti həftənin əvvəli müstəqillik üçün hərəkətə keçəcək: "Bir neçə gün ərzində müstəqilliyimizi elan edəcəyik".
K.Puçdemon mərkəzi hökumətin vəziyyətə müdaxilə edərək Kataloniyada nəzarəti ələ keçirəcəyi təqdirdə hansı addım atacaqları ilə bağlı suala belə cavab verib: "Bu, hər şeyi dəyişdirən bir xəta olar".
O, hazırda İspaniya hökuməti ilə Kataloniya hökuməti arasında heç bir təmas olmadığını açıqlayıb.
Qeyd edək ki, oktyabrın 1-də İspaniyanın Kataloniya vilayətində bölgənin müstəqilliyi haqqında qanunsuz referendum keçirilib.