Bakı. Trend:
ABŞ-ın rəhbərlik etdiyi beynəlxalq koalisiyanın 2014-cü ilin sentyabr ayından 2017-ci ilin sentyabrına qədər Suriyada və İraqda İŞİD terror qruplaşmasının mövqelərinə endirdiyi hava zərbələri nəticəsində 786 mülki şəxs həlak olub.
Trend-in "TASS"a istinadən verdiyi məlumata görə, 519 nəfərin ölüm xəbəri üzrə isə araşdırılma aparılır.
Bundan əlavə bildirilir ki, koalisiya qüvvələri bu vaxt ərzində İŞİD-in nəzarəti altında olan ərazilərin 95 faizini azad ediblər.
"2016-cı ilin oktyabrından 2017-ci ilin iyuluna qədər Mosul azad edilməsi əməliyyatında 1,2-1,5 min İraq hərbçisi həlak olub, 8 mini isə yaralanıb", - məlumatda deyilir.