Bakı. Trend:
ABŞ prezidenti Donald Tramp Fələstin lideri Mahmud Abbasa İsraildəki ABŞ səfirliyini Tel-Əvivdən Qüdsə köçürəcəyini bildirib.
Trend-in məlumatına görə, Birləşmiş Ştatlar prezidenti bunu Abbasla telefon danışığı zamanı bəyan edib.
Öz növbəsində, prezident Abbas bu cür addımın ciddi fəsadlarla nəticələnəcəyi haqqında ABŞ liderini xəbərdar edib. Onun sözlərinə görə, qərar bölgədə və dünyada təhlükəsizliyin və sabitliyin pozulmasına gətirib çıxaracaq.