Bakı. Trend:
Qırğızıstanın paytaxtı Bişkekdə yanvarın əvvəlindən etibarən kəskin soyuqlardan 15 nəfər həlak olub.
Trend-in məlumatına görə, paytaxtda və ölkənin digər bölgələrində anomal soyuqlar hökm sürür. Ölkə meteoroloqları bəzi günlərdə temperaurun -26 dərəcəyədək düşdüyü barədə məlumatlar yayıblar.
Qeyd olunur ki, hüquq-mühafizə orqanları müntəzəm olaraq küçələrdə reyd keçirərək donan sakinlərin olub-olmadığını müəyyənləşdirir. Bu reydlər zamanı 85 nəfər donmadan xilas edilərək sosial düşərgələrə yerləşdirilib.