Bakı. Trend:
Burkina Fasonun paytaxtı Uaqaduqu şəhərində terrorçuların hücumu nəticəsində ən azı 15 nəfər ölüb.
Trend-in məlumatına görə, bunu "Associated Press" agentliyinə ölkənin rabitə və kommunikasiyalar naziri Remi Danjüinu deyib.
Onun sözlərinə görə, ölənlərdən 7-si hüquq mühafizə orqanlarının əməkdaşlarıdır, daha səkkizi isə terrorçudur: "Ölənlərin sayı artda bilər."
Ölkənin ordusu öz növbəsində bildirir ki, hücum nəticəsində ən azı 90 nəfər yaralanıb.
Xatırladaq ki, dünən Burkina Fasonun paytaxtı Uaqaduquda Fransa səfirliyinin yaxınlığında terror aktı törədilib.