...

"YouTube"un baş ofisində baş verən atışma nəticəsində 4 nəfər yaralanıb - polis (FOTO, VİDEO) (YENİLƏNİB 2)

Dünya xəbərləri Materials 4 Aprel 2018 01:54 (UTC +04:00)
Kaliforniyada "YouTube"un baş ofisində baş verən atışma nəticəsində 4 nəfər yaralanıb, daha bir nəfər isə ölüb.
"YouTube"un baş ofisində baş verən atışma nəticəsində 4 nəfər yaralanıb - polis (FOTO, VİDEO) (YENİLƏNİB 2)

Bakı. Trend:

Kaliforniyada "YouTube"un baş ofisində baş verən atışma nəticəsində 4 nəfər yaralanıb, daha bir nəfər isə ölüb.

Trend-in RİA Novosti-yə istinadən verdiyi məlumata əsasən, bunu yerli polis bildirib.

"Ümumilikdə 4 yaralımız var, onlar xəstəxanaya çatdırılıb və daha bir nəfər isə binanın daxilində ölüb", deyə polis əməkdaşı bildirib.

Ehtimala görə, bina daxilində ölən atəş açan qadındır. Onun intihar etdiyi ehtimal olunur.

X X X

01:42

"YouTube" videoportalının baş ofisində atışma törətməkdə şübhəli bilinən qadın ölüb.

Trend-in məlumatına görə, bu barədə MSNBC telekanalını məlumatı yayıb.

Məlumata əsasən, hadisə ilə əlaqədar xəstəxanaya 5-ə qədər yaralı çatdırılıb.

X X X

01:12

"YouTube"un əməkdaşları sosial şəbəkələrdə şirkətin baş ofisində atışma baş verdiyini bildirirlər.

Bu barədə Trend RİA Novosti-yə istinadən xəbər verir. Yaralıların olduğu da bildirilir.

Qeyd olunur ki, bu xəbərlərdən sonra binaya polis əməkdaşları daxil olub və bəzi əməkdaşları çölə çıxarıb. KİV-lərin yaydığı məlumata əsasən hadisə yerinə xüsusi təyinatlı dəstələr də cəlb olunub.

Həmçinin bildirilir ki, atışmanı qadın törədib.

Məqalədə:
Xəbər lenti

Xəbər lenti