Bakı. Trend:
Yəməndə pilotsuz uçuş aparatının endirdiyi zərbə nəticəsində "Əl-Qaidə" terror qruplaşmasının yüksək rütbəli komandirlərindən biri məhv edilib.
Trend-in məlumatına görə, bu barədə "RİA Novosti"yə Şabva əyalətində mənbə bildirib.
Mənbənin sözlərinə görə, "Əl-Qaidə" komandiri Naser Hüseyn Bamduh əl-Bubakri əl-Aulyaki Yəmənin cənub-şərqində əs-Səid bələdiyyəsində məhv edilib.
O, qeyd edib ki, terrorçu əl-Aulyaki Şabva əyalətində "Əl-Qaidə"nin ən məşhur komandirlərindən biri olub.