Bakı. Elnur Bağışov - Trend:
İran nano-texnologiyanın inkişafı sahəsinə daxil olmaq və fond yaratmaq niyyətindədir.
Trend-in məlumatına görə, İmam Xomeyninin Fərmanının İcra Komitəsinin rəhbəri Məhəmməd Müxbir deyib ki, hökumətin bu sahədə işlər görə bilmədiyi və özəl sektorun da risk etmək üçün lazımi potensialının olmadığına görə, komitə bu layihələrə daxil olmaq istəyir.
Komitə rəhbərinin sözlərinə görə, təxminən 119 milyon dollar vəsaitlə fondun təşkil edilməsi və nano-texnologiya sahəsindəki ideyalara dəstək verilməsi qərara alınıb.