Bakı. Trend:
Böyük Britaniya məhkəməsi Yaponiyanın "Japan Airlines" aviaşirkətinin ikinci pilotunu 10 aylıq azadlıqdan məhrum edib.
Trend-in məlumatına görə, buna səbəb oktyabr ayında pilotun London-Tokio reysindən əvvəl spirtli içki qəbul etməsi olub.
Hakim Filipp Metyuz deyib: "Sizin sərxoşluğunuzla göyərtədə olan sərnişinlərin təhlükəsizliyi risk altına qoyulub". Pilot öz növbəsində gunahını boynuna alıb.