Bakı. Trend:
Parisdə park və qəbiristanlar ziyarət üçün bağlanıb.
Trend-in məlumatına görə, buna səbəb əlverişsiz hava şəraitidir. Fransa paytaxtının meriyası şəhər sakinlərinə güclü küləklə əlaqədar xəbərdarlıq edib: "Parklar, bağlar və qəbiristanlar bağlıdır".
Küləyin sürətinin saatda 110 km-ə, Atlantik okeanı sahillərində isə 130 km-ə çatacağı gözlənilir.
Hava şəraitinin dəniz, hava və dəmiryol nəqliyyatının işinə təsir göstərə biləcəyi deyilir.