Bakı. Rufiz Hafizoğlu - Trend:
Türkiyənin Mersin vilayətində yük qatarı avtobusla toqquşub. Trend-in məlumatına görə, qəza nəticəsində 2 nəfərin öldüyü, daha 5 nəfərin yaralandığı bildirilir.
Yaralılar xəstəxanaya yerləşdirilib. Xəsarət alanlardan 2 nəfərin vəziyyəti ağır qiymətləndirilir.
Qəzanın başvermə səbəbləri hələ məlum deyil. Faktla bağlı araşdırma başlayıb.